ఈదరలో మేరీ మాత ఉత్సవాలు సుగమం

ఈదరలో మేరీ మాత ఉత్సవాలు సుగమం

నూజివీడు డీఎస్పీ కె.వి.వి.ఎన్.వి. ప్రసాద్ మార్గదర్శకత్వంలో పోలీస్ బందోబస్తు

నూజివీడు / ఆగిరిపల్లి: నూజివీడు డీఎస్పీ కె.వి.వి.ఎన్.వి. ప్రసాద్ ఆదేశాలు, మార్గదర్శకత్వంలో ఈదర గ్రామంలో నిర్వహించిన మేరీ మాత ఉత్సవాలు ప్రశాంతంగా, సుగమంగా ముగిశాయి. నూజివీడు రూరల్ ఇన్స్పెక్టర్ కె. రామకృష్ణ ఆధ్వర్యంలో ఆగిరిపల్లి ఎస్‌ఐ శుభ శేఖర్ సిబ్బందితో కలిసి పటిష్టమైన పోలీస్ బందోబస్తును ఏర్పాటు చేశారు.

ఉత్సవాలకు పెద్ద సంఖ్యలో భక్తులు తరలివచ్చిన నేపథ్యంలో, క్యూలైన్లు ఏర్పాటు చేసి, ఉత్సవ కమిటీ సభ్యులతో సమన్వయం చేసుకుంటూ భక్తులకు ఎటువంటి అసౌకర్యం కలగకుండా పోలీసులు చర్యలు తీసుకున్నారు. శాంతిభద్రతలకు విఘాతం కలగకుండా ప్రతి అంశాన్ని జాగ్రత్తగా పర్యవేక్షించారు.

ఉత్సవాలు జరిగే ప్రాంతాల్లో ప్రత్యేక పోలీస్ కంట్రోల్ రూమ్ ఏర్పాటు చేసి, డ్రోన్ కెమెరాల ద్వారా నిరంతర నిఘా కొనసాగించారు. అలాగే ట్రాఫిక్‌కు ఎలాంటి అంతరాయం కలగకుండా ప్రత్యేక ట్రాఫిక్ నియంత్రణ చర్యలు చేపట్టి వాహనాల రాకపోకలను సజావుగా నిర్వహించారు.

పోలీసుల సమర్థవంతమైన ప్రణాళిక, కట్టుదిట్టమైన బందోబస్తు కారణంగా మేరీ మాత ఉత్సవాలు ఎలాంటి అవాంఛనీయ సంఘటనలు లేకుండా విజయవంతంగా ముగియడంపై స్థానికులు, భక్తులు పోలీస్ శాఖను ప్రత్యేకంగా అభినందించారు.