బర్రింకలపాడులో ఘనంగా 77వ గణతంత్ర దినోత్సవ వేడుకలు

 

బర్రింకలపాడులో ఘనంగా 77వ గణతంత్ర దినోత్సవ వేడుకలు

జాతీయ పతాకాన్ని ఆవిష్కరించిన పోలవరం ఎమ్మెల్యే చిర్రి బాలరాజు

పోలవరం | జీలుగుమిల్లి మండలం | జనవరి 26 :
పోలవరం నియోజకవర్గం జీలుగుమిల్లి మండలం బర్రింకలపాడు గ్రామంలోని ఎమ్మెల్యే క్యాంపు కార్యాలయంలో 77వ గణతంత్ర దినోత్సవ వేడుకలు ఘనంగా నిర్వహించారు.

ఈ కార్యక్రమంలో పోలవరం ఎమ్మెల్యే చిర్రి బాలరాజు జాతీయ పతాకాన్ని ఆవిష్కరించి జెండా వందనం చేశారు. అనంతరం భారత రాజ్యాంగ నిర్మాతలు, స్వాతంత్ర్య సమరయోధులకు ఘన నివాళులు అర్పించారు.

రాజ్యాంగమే దేశానికి మార్గదర్శకం : చిర్రి బాలరాజు

ఈ సందర్భంగా ఎమ్మెల్యే చిర్రి బాలరాజు మాట్లాడుతూ,
దేశాన్ని ముందుకు నడిపించే మార్గదర్శకం మన భారత రాజ్యాంగమే అని అన్నారు. ప్రజాస్వామ్యం, సమానత్వం, న్యాయం వంటి విలువలను ప్రతి పౌరుడు గౌరవిస్తూ ఆచరణలో పెట్టాలని పిలుపునిచ్చారు.

గ్రామ స్థాయి అభివృద్ధి, ప్రజలకు నేరుగా లబ్ధి చేకూర్చే సంక్షేమ పథకాల అమలే కూటమి ప్రభుత్వ ప్రధాన లక్ష్యమని ఆయన స్పష్టం చేశారు. రాజ్యాంగ స్ఫూర్తితో ప్రజల కోసం పాలన సాగుతుందని తెలిపారు.

విశేషంగా పాల్గొన్నవారు

ఈ కార్యక్రమంలో
జనసేన మండల ప్రెసిడెంట్ పసుపులేటి రాము, ఎంపీటీసీ నాలి శ్రీనివాస్, బండారు అనిల్ కుమార్, గుడపాటి అరుణ్ కుమార్, తోట బాలు, చామన శేఖర్, నారగాని నరేంద్రతో పాటు కూటమి నాయకులు, కార్యకర్తలు పెద్ద సంఖ్యలో పాల్గొన్నారు.