చింతలపూడి మండలంలో టీడీపీ గ్రామ కమిటీల నియామకం – ప్రమాణ స్వీకారానికి హాజరు కావాలని ఎమ్మెల్యే సొంగా రోషన్ కుమార్ పిలుపు

ఏలూరు, చింతలపూడి మండలం: తెలుగుదేశం పార్టీ రాష్ట్ర నాయకత్వ ఆదేశాల మేరకు చింతలపూడి మండలంలోని పలు గ్రామాలకు గ్రామ పార్టీ అధ్యక్షులు, ప్రధాన కార్యదర్శులను నియమించినట్లు చింతలపూడి శాసనసభ్యులు  సొంగా రోషన్ కుమార్ ప్రకటించారు. పార్టీని బలోపేతం చేయడమే లక్ష్యంగా ఈ నియామకాలు చేపట్టినట్లు ఆయన తెలిపారు.

ఈ సందర్భంగా నూతనంగా నియమితులైన మండల, గ్రామ కమిటీ సభ్యులందరూ రేపు ఉదయం 9 గంటలకు లింగపాలెం మండలం పుప్పాల వారి గూడెంలో నిర్వహించనున్న ప్రమాణ స్వీకార మహోత్సవానికి తప్పనిసరిగా హాజరుకావాలని ఎమ్మెల్యే సూచించారు. ఈ కార్యక్రమంలో పార్టీ శ్రేణులు, కార్యకర్తలు పెద్ద సంఖ్యలో పాల్గొనాలని కోరారు.

చింతపల్లి గ్రామానికి గ్రామ పార్టీ అధ్యక్షులుగా ముత్యాలరావు గాయం, ప్రధాన కార్యదర్శిగా రవి ధారావతును నియమించారు. ఎండపల్లి గ్రామానికి నాగేశ్వరరావు కొమ్మిరినేని అధ్యక్షులుగా, రాజశేఖర్ దొడ్డి ప్రధాన కార్యదర్శిగా బాధ్యతలు స్వీకరించనున్నారు. ఎర్రగుంటపల్లి గ్రామానికి రాధా రాణి పాలూరి అధ్యక్షురాలిగా, సత్యనారాయణ పాటి ప్రధాన కార్యదర్శిగా నియమితులయ్యారు.

ఎర్రంపల్లి గ్రామంలో ప్రతాపరెడ్డి జగ్గవరపు అధ్యక్షులుగా, శ్రీనాథ్ గుండ ప్రధాన కార్యదర్శిగా ఎంపికయ్యారు. గణిజెర్ల గ్రామానికి వెంకటేశ్వరరావు చీకటి అధ్యక్షులుగా, రాంబాబు కొలికి పాము ప్రధాన కార్యదర్శిగా నియమితులయ్యారు. లింగగూడెం గ్రామానికి నరసింహ గుత్త అధ్యక్షులుగా, బద్రి నారాయణ కంభంపాటి ప్రధాన కార్యదర్శిగా బాధ్యతలు చేపట్టనున్నారు.

మల్లాయగూడెం గ్రామానికి బాబురావు కంచర్ల అధ్యక్షులుగా, సుధాకర్ మారుమూడి ప్రధాన కార్యదర్శిగా నియమించారు. నామవరం గ్రామానికి వెంకట సత్యనారాయణ సూరనేని అధ్యక్షులుగా, శ్రీనివాసరావు బజారు ప్రధాన కార్యదర్శిగా బాధ్యతలు స్వీకరించనున్నారు. పోతునూరు గ్రామానికి సత్యనారాయణ సంక అధ్యక్షులుగా, తిరుపతిరావు కనుమూరి ప్రధాన కార్యదర్శిగా ఎంపికయ్యారు.

ప్రగడవరం గ్రామానికి చంద్రశేఖర్ రెడ్డి తాలూరి అధ్యక్షులుగా, చెన్నారావు తాళం ప్రధాన కార్యదర్శిగా నియమించారు. రాఘవపురం గ్రామానికి అనిల్ కుమార్ మాటూరి అధ్యక్షులుగా, సంజీవరావు కుమ్మరి ప్రధాన కార్యదర్శిగా ఎంపికయ్యారు. రేచర్ల గ్రామానికి వెంకటేశ్వర కొమ్మిన అధ్యక్షులుగా, ఆదాము పెడగార్ల ప్రధాన కార్యదర్శిగా బాధ్యతలు చేపట్టనున్నారు.

శివపురం గ్రామానికి కలపాల వెంకటేశ్వరరావు అధ్యక్షులుగా, అజయ్ బాబు నరుకుల్లా ప్రధాన కార్యదర్శిగా నియమించారు. తిమ్మిరెడ్డి పల్లి గ్రామానికి మోహన్ రావు చిలక బత్తుల అధ్యక్షులుగా, బాలయ్య నంది పాము ప్రధాన కార్యదర్శిగా ఎంపికయ్యారు. ఊర్ల గూడెం గ్రామానికి శ్రీనివాసరావు బాల్ అధ్యక్షులుగా, ఫ్రాన్సిస్ రాయల ప్రధాన కార్యదర్శిగా నియమితులయ్యారు.

ఊట సముద్రం గ్రామానికి వెంకట రామకృష్ణ చింతనిపుల అధ్యక్షులుగా, కాశీ కృష్ణ కొండరెడ్డి ప్రధాన కార్యదర్శిగా బాధ్యతలు స్వీకరించనున్నారు. వెంకటాద్రి గూడెం గ్రామానికి విష్ణుమూర్తి తోట అధ్యక్షులుగా, శ్రీనివాస్ తలాబత్తుల ప్రధాన కార్యదర్శిగా నియమించారు. వెంకటాపురం గ్రామానికి వెంకట నరసింహారావు మాదాసు అధ్యక్షులుగా, దేమాత తాళ్లూరి ప్రధాన కార్యదర్శిగా ఎంపికయ్యారు.

ఈ సందర్భంగా ఎమ్మెల్యే సొంగా రోషన్ కుమార్ నూతనంగా నియమితులైన వారందరికీ శుభాకాంక్షలు తెలియజేస్తూ, పార్టీ అభివృద్ధి కోసం సమిష్టిగా కృషి చేయాలని సూచించారు.