హెచ్‌ఐవి బాధితులకు మనోధైర్యం ఇవ్వడం మనందరి బాధ్యత: రత్నప్రసాదు

ఎయిడ్స్ డే సందర్భంగా డైస్ సెంటర్‌లో కమ్యూనిటీ బ్రేక్‌ఫాస్ట్ కార్యక్రమం

పౌష్టికాహారం, సమయపాలనతో జీవన ప్రమాణాలు మెరుగుపరచుకోవచ్చు

ఏలూరు జిల్లా, ఏలూరు, నవంబర్ 29: డిసెంబరు 1 ఎయిడ్స్ డే సందర్భంగా డీఎం అండ్ హెచ్‌ఓ ఆధ్వర్యంలో వారం రోజులపాటు నిర్వహిస్తున్న ఎయిడ్స్ అవగాహన కార్యక్రమాల భాగంగా శనివారం డైస్ సెంటర్‌లో నిర్వహించిన కమ్యూనిటీ బ్రేక్‌ఫాస్ట్‌లో జిల్లా న్యాయ సేవాధికార సంస్థ కార్యదర్శి కె. రత్నప్రసాదు పాల్గొన్నారు. ఇన్ఫెక్టెడ్, ఎఫెక్టెడ్ పిల్లలు అలాగే వారి తల్లిదండ్రులతో కలిసి కార్యక్రమం నిర్వహించడం చాలా సంతోషకరమని తెలిపారు.

ఈ సందర్భంగా రత్నప్రసాదు మాట్లాడుతూ, హెచ్ఐవి ఇన్ఫెక్టెడ్ లేదా ఎఫెక్టెడ్ వ్యక్తులతో కలిసి జీవించడం వల్ల ఎలాంటి ఆరోగ్య సమస్యలు రావని, సమాజం వారిని ప్రేమ, ఆప్యాయతలతో ప్రోత్సహించాల్సిన అవసరం ఉందని 강조ించారు. వారికి మనోధైర్యాన్ని అందించడానికి ఇలాంటి కార్యక్రమాలు ఎంతో దోహదపడతాయని పేర్కొన్నారు.

అలాగే పౌష్టికాహారం, సమయపాలన పాటించడం ద్వారా హెచ్ఐవి బాధితులు తమ జీవన పరిమాణాన్ని గణనీయంగా పెంచుకోవచ్చని సూచించారు. కార్యక్రమంలో యన్. లక్ష్మీనారాయణ, డిఎల్ఏటి ప్రతినిధులు, స్వచ్ఛంద సంస్థలు, హెచ్ఐవి ఇన్ఫెక్టెడ్ మరియు ఎఫెక్టెడ్ వ్యక్తులు పాల్గొన్నారు.

వన్ స్టాప్  సెంటరును ఉమ్మడి జిల్లా న్యాయ సేవాధికార  సంస్థ కార్యదర్శి కె.రత్నప్రసాదు సందర్శించారు ...

ఏలూరు, నవంబరు 29: రాష్ట్ర న్యాయ సేవాధికార సంస్థ అమరావతి వారి ఆదేశాలు ప్రకారం ఉమ్మడి పశ్చిమగోదావరి జిల్లా న్యాయసేవాధికార  సంస్థ కార్యదర్శి కె.రత్నప్రసాదు, శనివారం స్థానిక ప్రభుత్వ ఆసుపత్రిలోని వన్ స్టాప్  సెంటరును సందర్శించారు. ఈ వన్ స్టాప్ కార్యాలయ రిజిష్టర్లను తనిఖీ చేశారు. బాధితులకు అందిస్తున్న సౌకర్యాలుపైన అలాగే న్యాయ సహాయం పైన వివరణ అడిగి తెలుసుకున్నారు. వన్ స్టాప్ సెంటరు బాధితులకు కౌన్సిలింగు నిర్వహించి అవసరమైన పక్షంలో జిల్లా న్యాయ సేవాధికార సంస్థ ఉచిత న్యాయవాదిని ఏర్పాటు చేసి సమస్య పరిష్కారానికి కృషి చేస్తుందని తెలియజేశారు. ఈ కార్యక్రమంలో సెంటరు అడ్మిన్ నిర్మల, సిబ్బంది, తదితరులు పాల్గొన్నారు.